Tarten cheddar, Betys Môr a Thatws Newydd

1. Gwnewch does mewn powlen (neu arwyneb glan) drwy gymysgu’r blawd, menyn a dwr efo eich dwylo.
2. Rhowch flawd ar eich arwyneb coginio a rolio’r crwst allan yn hirsgwar.
3. Plygwch yr hanner top i lawr i’r canol a plygwch yr hanner gwaelod i fyny i’r canol.
4. Plygwch yr holl grwst yn ei hanner.
5. Roliwch ac ail blygu 2 waith eto i gael digon o haennau.
6. Lapiwch y crwst mewn papur gwrth saim a’i roi yn yr oergell am 20 munud.
7. Ysgeintiwch flawd ar eich arwyneb a rolio’r crwst, digon i ffitio eich tun pobi (mae Sam yn defnyddio tun 23cm efo gwaelod rhydd)
8. Rhowch y crwst yn eich tun pobi a’i bwsho mewn i’r corneli.
9. Rhowch bapur gwrthsaim dros y crwst a’i lewni efo ffa pobi.
10. Trimiwch unrhyw grwst dros ben dros ochrau’r tun.
11. Pobwch y crwst am 15 munud ar 200C.
12. Tynnwch y papur gwrthsaim a’r ffa pobi a’i bobi eto am 15 munud ar 160C

I wneud y llenwad

1. Rhowch lwy de o olew olewydd mewn padell a ffrio’r bacwn nes yn grimp.
2. Torrwch y tatws a’r cheddar mewn ciwbiau.
3. Ychwanegwch y betys môr mewn i’r badell efo’r bacwn a’i goginio nes ei fod yn gwywo.
4. Curwch y wyau mewn powlen efo’r hufen ac ychwanegu halen a pupur i flasu.
5. Rhowch y cynhwysion sych i gyd yn y darten a tollti’r gymysgedd wy/hufen dros y cyfan.
6. Pobwch am 30 munud ar 180C.
7. Tynnwch allan o’r popty a’i adael i oeri am o leiaf 15 munud cyn ei fwynhau!