Hotpot Tatws a Selsig

HOTPOT TATWS A SELSIG
Cynheswch y popty i 180C ffan Rhowch y darnau blodfresych mewn tun rhostio, arllwyswch ychydig o olew, halen a phupur drosto a’i rostio nes eu bod yn troi’n euraidd. Lapiwch bob selsig gyda sleisen o gig moch a’u brownio mewn padell ffrio, rhowch i un ochr. Berwch ddwr mewn sosan ag ychwanegu’r dail bresych. Coginiwch am ychydig o funudau ac yna eu rhoi mewn powlen o ddwr oer i stopio’r dail goginio. Unwaith bydd y dail ddigon oer, lapiwch yn dynn o amgylch y selsig a’i rhoi mewn dysgl gaserol fawr. Rhowch y moron yn y badell gafodd ei ddefnyddio i frownio’r selsig a’u rhoi yn y ddysgl dros y bresych. Ychwanegwch ychydig o fenyn i’r badell a choginio’r garlleg a’r nionyn nes eu bod yn feddwl. Ychwanegwch y teim a halen a pupur. Tynnwch y blodfresych o’r popty a’u rhoi mewn jwg/powlen a rhoi’r gymysgedd nionod ar ei ben. Ychwanegwch y caws wedi’i gratio, mwstard a stoc. Defnyddiwch gymysgwr trydan i gymysgu’r cyfan yn esmwyth. Rhowch y saws ar ben y parseli selsig. Sleisiwch y tatws yn dennau efo mandolin neu efo llaw a’u trefny ar ben y saws yn sefyll fel fod y croen yn gwynebu fyny. Toddwch weddill y menyn a’i frwsio ar hyd y tatws cyn roi mwy o halen a pupur a teim. Rhowch gaead ar y ddysgl a’i goginio am 40-50 munud Gwnewch yn siwr fod y tatws wedi coginio trwodd yna tynnwch y caead a troi’r gwres fyny i 200C ffan a’i goginio am 10 munud nes fod y tatws yn grimp.

LLYSIAU GWYRDD YR HYDREF
Toddwch y menyn mewn padell ffrio, ychwanegwch y cig moch, cennin a teim. Coginiwch nes fod y cig moch wedi coginio trwodd a’r cennin yn feddal. Ychwanegwch y pys a’u coginio am 3-4 munud Ychwanegwch halen a pupur i’ch blas Rhowch mewn powlen fawr a briwsioni’r caws drosto.